Nola erabili

Baldintza teknikoak:

 Txartelaren txipak daukan informazioa ikusteko eta barnean dauden ziurtagiri elektronikoak erabiltzeko beharrezkoak dira software eta hardware elementu batzuk.

Nortasun Agiri elektronikoak hurrengo ekipamendu fisikoa behar du:

- Ordenagailu pertsonal bat.

- Txartel adimentsuen irakurgailu bat. Implementazio desberdinak aurki ditzakegu, bai teklatuan barneratuta, usb konexioaren bidez erabiltzen direnak edo PCMCIA interfaz bat erabiltzen dutenak. Software-ari dagokionez, Nortasun Agiri Elektronikoa, existitzen diren nabegadore eta sistema operatiboekin bateragarria da.

Gehiago jakiteko:

http://www.dnielectronico.es/como_utilizar_el_dnie/index.html 

Kontrolatzaileak / Modulu kriptografikoak

Ekipo informatikoa eta txartel kriptografikoen (Nortasun Agiri Elektronikoa kasu honetan) arteko elkarrekintza egokia izateko, modulu kriptografikoak izeneko software zati batzuk eduki behar ditu ordenagailuak.

Microsoft Windows ingurumen batean, ekipoak “Chryptographic Sevice Provider” (CSP) zerbitzua eduki behar du barneratuta.

UNIX, Linux edo MAC ingurumenetan, ekipoak PKCS#11 izeneko modulu kriptografikoa beharko du.

Sistema operatiboaren arabera software egokia jaisteko:

http://www.dnielectronico.es/descargas/index.html                                                                           

PIN (Pasahitz pertsonala)

Nortasun Agiri Elektronikoaren aukerak eta informazioa erabiltzeko beharko dugun pasahitz pertsonala da (behin txipak daukan mikroprozesagailuak ezagutzen duenean).

Txartelaren kode pribatuak segurtatzen ditu eta sinadura elektronikoa erabiltzen duten aplikazioetan martxan jartzen da, hortaz, isilpekoa, pertsonala eta besterenezina da.

Txartela igortzen denean, zorizko pin bat ezartzen da eta hiritarrari “eskutitz itsu” batean ematen zaio.

 Nortasun Agiri Elektronikoaren jabeak PIN edo pasahitza alda dezake internet edo bulego igortzaileetan aurkitzen diren Nortasun Agiri Eguneratze Puntuen bidez.

Gure Nortasun Agiri Elektronikoaren PIN edo pasahitza aldatu nahi dugunean bi egoera desberdin aurkitu ditzakegu:

1.- Egungo PINa ez ezagutzea (edo Nortasun Agiri Elektronikoa blokeatua egotea behin eta berrio pasahitza gaizki sartu dugulako).

Kasu honetan, Nortasun Agiri Elektronikoaren jabeak bulego igortzaileetan aurkitzen diren Nortasun Agiri Eguneratze Puntu batera joan beharko du.

Puntu hauetan hatz marken irakurgailuak daude eta horrela txipak gordetzen duen laburpen kriptografikoaren eta jabearen hatz markaren informazioaren arteko konparaketa egin daiteke. Antzematearen emaitza positiboa bada, aplikazioak PIN edo pasahitzaren aldaketa burutzea utziko digu. Nola egiaztatu gure PIN edo pasahitza blokeatuta dagoen ala ez.

2.- Gure eguneko PIN edo pasahitza ezagutzea.

Kasu honetan Nortasun Agiri Elektronikoaren jabeak bi aukera dauzka:

·         Bulego igortzaileetan aurkitzen diren Nortasun Agiri Eguneratze Puntu batera joan eta bertan aldatzea bere PIN berria adieraziz.

·         Txartel kriptografikoen irakurgailua eta internetekiko konexioa daukan edozein ordenagailutik, prozedimendu telematiko baten bidez.

http://www.dnielectronico.es/como_utilizar_el_dnie/pins.html