Accede a "O meu Vodafone" co teu DNIe

 A capacidade do DNIe para acreditar a nosa identidade, convérteo nun sistema perfecto para acceder á nosa zona privada en empresas e institucións.

No caso de Vodafone co noso DNIe poderemos acceder a "O meuVodafone", para gozar das vantaxes que ofrece darse de alta na súa Web, e empezar a utilizar os seus servizos online. Servizos entre os que destacan a posibilidade de consultar a nosa factura, cambiar os puntos acumulados por novos terminais, recordar cal é o plan de prezos que temos contratado, recargar a nosa tarxeta, cambiar de plan ou modificar os nosos datos.

Para darse de alta só debemos rexistrarnos, enchendo un pequeno formulario no que se pide que introduzamos o noso teléfono, DNI ou número de documento que poida identificarnos, código postal, correo electrónico, e o contrasinal que recibiremos no noso móbil para validar o rexistro, e que poderemos cambiar máis tarde.

Unha vez rexistrados, poderemos acceder co noso DNIe, escollendo esta opción no "Acceso a clientes do meu Vodafone", seleccionando DNI electrónico en "Tipo de documento", e sempre e cando o instalásemos correctamente e introducido no lector antes de iniciar a sesión.