Como utilizalo
Requisitos técnicos
Para a utilización do DNI electrónico é necesario contar con determinados elementos hardware e software que nos van permitir o acceso ao chip da tarxeta e, polo tanto, a utilización dos certificados contidos nel.
O DNI electrónico require o seguinte equipamento físico:
- Un ordenador persoal.
- Un lector de tarxetas intelixente. Existen distintas implementacións, ben integrados no teclado, ben externos (conectados vía USB) ou ben a través dunha interface PCMCIA.
En canto a software, o DNI electrónico é compatible cos sistemas operativos actualmente existentes, así como cos distintos navegadores.
Para saber máis:
Controladores / Módulos criptográficos
Para poder interaccionar axeitadamente coas tarxetas criptográficas en xeral e co DNI electrónico en particular, o equipo ha de ter instalados unhas "pezas" de software denominadas módulos criptográficos.
Nun ámbito Microsoft Windows, o equipo debe ter instalado un servizo que se denomina "Cryptographic Service Provider" (CSP).
Nos ámbitos UNIX / Linux ou MAC podemos utilizar o DNI electrónico a través dun módulo criptográfico denominado PKCS#11.
Para descargar o software axeitado en función do sistema operativo:
Pin (Contrasinal persoal).
O PIN é o contrasinal persoal que (unha vez comprobada polo microprocesador incluído no chip) nos permite o acceso ás funcionalidades dispoñibles no DNI electrónico. Polo tanto, protexe as súas claves privadas e permite activalas nas aplicacións que xeran firma electrónica e, polo tanto, é confidencial, persoal e intransferible.
No momento da expedición, xérase un PIN aleatorio que se entrega ao cidadán en forma de "sobre cego".
O titular do DNI electrónico pode cambiar este contrasinal ou PIN por calquera outro da súa elección nos Puntos de Actualización do DNI electrónico (PAD) existentes nas Oficinas de Expedición e en internet.
Cando desexamos cambiar o PIN do noso DNI electrónico, poden presentarse dúas situacións:
Que non coñezamos o PIN actual (ou ben que o DNI electrónico estea bloqueado, tras varios intentos falidos cun PIN erróneo).
Neste caso, o titular debe acudir a un Punto de Actualización do DNI electrónico, situado nunha Oficina de Expedición. Estes Puntos de Actualización dispoñen dun lector de impresión dactilar, o que permite comparar o resumo criptográfico da pegada dactilar do titular co que se almacena no chip no momento da expedición. Cando o recoñecemento é positivo, a aplicación permite ao titular cambiar o PIN do seu DNI electrónico.
Como comprobar se o Pin está bloqueado.
Que saibamos o noso PIN actual.
Neste caso, o titular do DNI electrónico ten dúas alternativas:
- Acudir a un Punto de Actualización do DNI electrónico, situado nunha Oficina de Expedición e cambiar o seu PIN, indicando o seu PIN actual.
- Dende calquera ordenador que dispoña dun lector de tarxetas criptográficas e conexión a Internet, mediante un procedemento telemático.
Descarga Windows
Descarga Linux
